TE NGAO KI TE WHEIAO
Nā Katerina Te Heikoko Mataira, 1995

Tūwhera ki a Ranginui
Tāmaua ki a Papatūānuku
Tauawhia te tipua e whakaata mai nei
Hokia te maunga tapu
Whakatau ai
Honoa te ira tangata, te ira Atua
Huakina te whatumanawa

Kohia te ngao o Rangi, o Papa ki te kōpū
Hei muramura toha ki te ao
Kia turuturu mai te tōmairangi whakapuiaki
Kia tipu, kia whanake me he rākau
He toka te pouwhenua
He whatu te titirangi

Whakahoki ngao ki te whenua
Tūwhera ki te rangi,
Tāmaua ki te papa
Tōia mai te ngao ki te morenga o te poho
Whuia ki te wheiao
Tauawhia te tipua e whakaata mai nei
Hokia te maunga tapu
Whakatau ai

Ko Maringirangi Pohatu tēnei i mahia tēnei ataata i te tau 2012 i ai a e hapu ana me tana pekepoho.